МУИС-ийн харьяа Ерөнхий боловсролын ахлах сургууль нь Бүгд Найрамдах Солонгос Улсын КЭСАН ахлах сургууль (Keisung High School)-тай боловсролын салбар дахь хамтын ажиллагааг өргөжүүлэн хөгжүүлэх, харилцан туршлага солилцох зорилгоор урт хугацааны хамтын ажиллагааны санамж бичигт гарын үсэг зурлаа.

Тус санамж бичгийн хүрээнд хоёр сургуулийн багш, сурагч солилцооны хөтөлбөр хэрэгжүүлэхээс гадна сургалтын арга зүй, боловсролын шинэ чиг хандлага зэрэг олон талын сайн туршлагыг харилцан солилцох өргөн хүрээтэй үйл ажиллагааг үе шаттайгаар хэрэгжүүлэхээр боллоо.